醫師獨語｜EC Monologue

歡迎嚟到《醫師獨語》。

我係張懿松中醫師。如果你平時有睇開《六不治中醫 Channel》，可能已經習慣咗我喺嗰度同大家「闢謠、解惑、長知識」。但係喺呢個 Podcast，我想營造一個完全唔同嘅感覺。

呢度係一個醫療以外嘅純粹聲音空間。

身為醫者，我地每日其實唔係「睇病」，而係「睇人」、觀察生活、觀察世界。。喺《醫師獨語》入面，我會用醫師嘅視角，同你分享生活觀察、各種興趣、各種小劇場。

如果你都想喺忙碌之中搵個地方安靜思考、用另一個角度睇下呢個世界，歡迎訂閱《醫師獨語》。

張懿松（小鬼醫師）
香港註冊中醫師 / 《六不治中醫 Channel》創辦人

張懿松是一位專注基層醫療嘅中醫師，同時，從事業界工作超過 15 年。除咗鑽研醫術，對個人成長、生活管理同社會觀察都有濃厚興趣。希望透過《醫師獨語》，喺專業形象之外，建立更有真實連結嘅空間，同聽眾分享喺診室未必講到嘅感悟。